驛飛颱《再談老屎忽之賺錢》

繼續老屎忽系列。

歐美 Aging Problem 已經嚴重(是的,怎會不是問題呢?生產力會下降,適應力會下跌,話語權卻繼續有,還有更高醫療負擔)。有關社會討論同 Consumer Goods 除了要解決問題外,當然要找商機:好重要 Target「銀髮族」。

主要,都是 Baby bloomer 一代頭髮變白了。

照推算,香港年內好多公司/社會議題,都會主力照顧班主要是老而不的「銀髮族」,加上新移民都是高齡低學歷的中老年人。本地後生仔被壓榨多年,老人家經過呢幾年識少少投資/保本,隨時仲有蛇齋餅粽養。邊個更有消費力?邊個 Market Segment 對商家重要啲?

當隔幾年,大家都周街同媒體講「銀髮族」有幾重要的時候,就會知道,識得食住條水,可能好好呃,I mean,好好賺。

不服氣?冇計的,要服,就去賺他們的銅板,他們多著呢!

上世紀,八十年代都係班老屎忽,有能力的去移民,不是回流賺一大筆,就是在外地生活好。走不了的廢窩囊,都水鬼升玉皇。其實,依家最怕後生的,正係移民潮時因為有能者走咗而有機上位的粉旦。重點,係「有機」,不是「趁機」,因為佢地係連「趁」都唔識、或唔敢。呢班蛋散上咗位,地位高咗,就自以為能力都自然上升。當有能力既少壯出現,佢地當然要打壓。不少,多年來的工作不是再向上爬,而是打壓下面力保自己。

八十年代開始到九十年代尾,每年平均加薪 7%、OT 有補水(重要!),樓價當時只是月薪二十至三十倍,不是 201X 現在的二百至三百倍。

而呢班老蛋散同我地講:後生仔坐享其成…

呀,重點是,這麼多年,經過儲蓄、股市升、幾次樓市起跌,不少老屎忽還有數百萬在手。

講食,不少貴價中式舊式餐廳,仍能賺一筆可觀的收入。

講醫療,抗衰老、華人最多的肝、肺、三高問題,由藥物到療法、到醫療裝置,都越來越高需求。

講娛樂,舊式的歌、影、藝人,長做長有。

講科技,那些字大、聲控的 Apps、Feature Phone,都越來越重要。

要賺快錢,各位年輕人,有門路了吧?

  • 驛飛颱, 雜談大懶豬, 化作驛飛颱, 本來言無物, 何懼多感慨?