驛飛颱《香港現社會.其實女生優先》

香港社會,至少是過往十多廿年是這樣的(普遍講法,不要同我講特例):

一、求職

大專、大學畢業生當中,去揾補習的,寫明女生優先(或只請女)。對客工作、文職,女生優先,甚至男生免問,CV 直入 trash folder。

二、求偶

追求、拍拖時,食飯電影交通(開)房錢,男方俾,叫風度,天經地義;否則?叫小家。

三、人生

畢業幾年後,男方俾完 Grant Loan、家用、日常洗費後,儲不到錢買樓,叫冇出息,廢青嫁唔過。

咩叫嫁得過的男人?銀行金融、專業人士、有(後)父幹。然後某啲人話,香港係父權社會,男人比女人有優勢。

都未計 MeToo、Trust women 這一筆。又一大主題。

有人指,在權利上,香港和西方睇齊,但義務上卻保持東方傳統,這就是港式的男女平權。

朋友總結:

有著數的時候,就講男女平等。

無著數的時候,就尖頭鰻風度。

到某個年紀,女生發覺玩夠,但身邊沒有好男人。就狂呻香港冇好男人。

其實,那些年,有風度、一般待人接物都低調的,公主們都會自動過濾、Friendzone 呢班人;反之,會被浮誇造作的人吸引,認為佢地有料又有財;到最後女生被騙後,就又耍起公主脾氣去要求人家做甚麼。

職場上、補習圈中,大家會性別定形,覺得男人危險、不細心、冇交帶,可惜,多少男人因此在年少時跌跌撞撞,艱辛爬著,才能到半熟年紀時,有稍為公平對待。

Feminism 在西方國家已出現不少問題,現在只會講「平權」,用字就反映其精神;到香港,淮橘為枳,就令到年輕人,男的是臭,女的是香。

利申,拍拖時我俾曬,有時同啲唔係溝的女會請/俾多啲,even 佢有男友。其實呢啲好基本,好多香港男人都會咁,遇唔到咁既港男?自己檢討下。

但請人時,男女平衡。

  • 驛飛颱, 雜談大懶豬, 化作驛飛颱, 本來言無物, 何懼多感慨?