驛飛颱《邊個發明聖誕交換禮物,又虛假又累》

每年年尾,聖誕節派對都是不小人頭痕的日子。若果是熟朋友私下聚聚還好,最怕的,就是不相熟、有利害關係的例如公司俾面派對,除了賣笑,還要傷腦筋買禮物。

交換禮物,玩法不外乎事前知道買給誰,或者不知(抽簽),但總之,都頭痕。

事前知道買給誰的,卻未必知道其喜好。有人會事前問對方,但又有少少覺得冇驚喜,失卻意義。有公司會事前叫同事寫 Preference,咁三姑六婆大家又有大把 Gossip 話題。不過到正日交換喇,又要扮驚喜,又或者唔啱心水都要假笑,卻太無謂。

若是抽獎形式,就會加插搶禮物環節,著實傷感情(當然那會是禮物的一個好分配方式),又怕有人放垃圾/循環禮物。

總體來說,買禮物確令不少人頭痛。

送食物、酒嗎?怕有人話唔啱食、冇心思,擺到過期。

送杯、相框、尿袋嗎?怕有人話冇誠意、求其唔用腦。

送現金、現金券嗎?怕有人話市儈。或者晨早規定唔准咁。

送公仔香水唇膏化粧護膚嗎?怕太私人會買錯、唔啱洗。

送性玩具、安全套嗎?怕有人話 metoo,真係要好熟先買得。

送書嗎?怕有人話懶有料扮文青。

當然甚麼 M 巾、老鼠藥、包裝紙等「創意」禮物,就考大家膽量了。

有一個頗有心思的,就是捐咗佢,收據寫佢名俾佢扣稅,但抽獎難用,又不是太多人識欣賞。

近排看見個頗安全的抉擇:Game,主要是 Board game、飛鑣一類玩具,方便一班人玩。頗受歡迎,但其實又怕收到的朋友屋企已經有。

  • 驛飛颱, 雜談大懶豬, 化作驛飛颱, 本來言無物, 何懼多感慨?