驛飛颱《生仔的人,太勇敢》

曾經一段時間,身邊不少朋友在差不多時間內輪流結婚(及後有些離了婚,後話)。之後下個一問題就是:生唔生?

有不少養尊處優的,都簡單地說,會呀。但更多的,是說,香港搞成咁,點敢生?

香港搞成點?

樓價貴,樓太細,難有好的居住環境不在話下。

飲鉛水,食肆越來越差,兩公婆放工又顧得多少?

交通越來越不可靠,巴士線係咁 Cut,港鐵除了延誤,就是工程出事,將來點生活?

越來越多高齡新移民,大媽會污染眼睛、耳朵,小孩會隨地拉屎,然後香港人要包容不同文化。

奶粉早年被搶,有人踢篋後,情況好少少,有限奶令;到搶疫苗喇,試問誰人能發聲?

基本生存空間如此,如何生活?

好,到入肉的教育。先不講要入甚麼爸爸媽媽 Whatsapp group,面對更多怪獸家長,生日會、大活動,都俾人鑿一筆,又要互相鬥,慢慢同化… 就算基本點,只比較成長進度,又要多擔心、比較入甚麼 Pre School、Playgroup、比較上甚麼興趣班。

等多兩年,讀幼稚園的,同學仔不少都以普通話為母語的雙非單非,他們的家長是中國式叢林法則下長大。又要確保自己小朋友不被洽,又要確保灌輸正確價值觀,但同一時間,小朋友的雙非單非同學的家庭竟然不用做,拎綜援去旅行。點教仔?

到課外時間,死谷仔女兩文三語、樂器、體育、藝術,不為實學,只求文憑,去執 Portfolio 入小學,令學生忙過家長,細路星期一至日都密麻麻,怎不心痛?

已未論米老鼠/吽樽英文教材幾萬一套,又要考慮報不報國際學校,方便走 IB,容易移民後適應。

到小學,TSA 好,BCA 好,一樣煩人,距離中學 DSE 之間,要捱十多年,一方面要鞭策子女,捱悶密密做習作,另一方面又要顧及其情緒,不要壓力太大做傻事。

小朋友,在應該玩樂的年紀、應該跑跑跳跳的年紀、應該出街望世界的年紀,卻要整天在家死讀書,在學校狂做功課,在外上廿個班。怎不會把學生推上絕路?

近來,為人父母的朋友感受到痛苦了,都千方百計想安排移民,如此社會,還繼續生仔?若果身邊朋友有咗,除咗口說恭喜,心中讚嘆其太勇敢,都唔知講咩好。

  • 驛飛颱, 雜談大懶豬, 化作驛飛颱, 本來言無物, 何懼多感慨?