田北辰《書展先睇書?培養閱讀習慣由日常開始》

每年書展總係人頭湧湧,個個排晒大隊話要去睇書、掃書,變成書商的兵家必爭之地……

其實,睇書、買書又點駛一定要去書展呢?香港有唔少好書店,就係大家身邊等待被大家發掘。

培養閱讀風氣,應該由日常做起。阿田我一向都爭取十八區要有二十四小時自助圖書機,等讀者可以更方便咁借書。

同時,地區方面都成日搞漂書活動,好多人都反映話,書本質素甚至比書展高,而且推廣閱讀之餘又可以環保,一舉兩得啊!

講真,好多地方都設有文化局,連澳門都有,但就係香港無,咁點得呢?林鄭月娥上任果陣,都曾經表示會成立文化局,但近來似乎無乜聲氣。

希望政府可以儘快落實設立文化局的方案,從而推廣文化活動,為香港文化出一分力,等果啲大型閱讀活動唔駛再俾貿發局主導,搞到有咁重商業味啦。

唔知大家又點睇呢?