驛飛颱《不如… 藍絲黃絲交換 Facebook 睇?》

有沒有想過, 與別人交換 Facebook 睇?

大家都講了多年, 面書(Facebook)始終係圍爐取暖地方, 而近年不少人接收資訊都不再依賴電視、 報紙、 收音機, 而變成靠面書個動態(Newsfeed), 結果造成更大問題: 所謂「同溫層」, 你看到的, 只是你的選擇, 近朱者赤, 見到的貼只會更加強自己所想。

倘若, 父母子女交換對方面書動態去睇, 會見到大家所接收的訊息不同, 對世界理解、 回憶有異, 因此會多點同理心, 明白兩個世代面對的問題迴異。

倘若, 素食主義者與 Foodie 交換對方面書動態去睇, 一方見到殘殺動物的恐怖, 一方會理解美食原來真的很吸引。

倘若, 藍絲與黃絲交換對方面書動態去睇, 一方會見到民主自由的說詞, 一方會見到不想改變/親中的話語, 然後, 大家都可能維持立場, 並一起鬧「港毒廢青」。

倘若, 港豬與社混憤青交換對方面書動態去睇, 就可能發現大家生活係平行時空的香港, 一邊廂大魚大肉燈紅酒綠, 一邊廂充滿社會問題不公義, 然後齊齊呻物價越來越貴。

倘若, 情人伴侶交換對方面書動態去睇, 當女方以為會見到很多高達、 足球籃球、 美女福利照, 結果原來男方的面書有一大堆增值進修、 有營養內容, 原來身邊人, 也有深度一面; 當男方以為會見到很多化妝、 整頭、 名牌、 旅行專業, 原來女方的面書有一大堆慳家折扣、 學煮食家居料理、 理財等內容, 原來身邊人, 也是個「娶得過」之人。

當然, 殘酷現實是, 原來有很多對方有興趣的 Crush, 調情不斷, 更可能大家想睇對方的私訊, 看完後, 就可以死心了。 哈哈哈哈哈哈哈哈哈哈哈哈。

看到對方的面書後, 可能, 不同人會繼續不同意對方觀點, 但至少, 可了解更多, 可能有新興趣、 新看法, 覺得世界更大, 又可能從此鄙視對方, 但總會有新而有趣體會。

如果有人提出互相交換面書去睇, 你夠唔夠膽? 

  • 驛飛颱, 雜談大懶豬, 化作驛飛颱, 本來言無物, 何懼多感慨?