驛飛颱《香港,劣食之都》

擺明 Sell 劣食的「名將」都算,現在就連大部份的香港餐廳,都走貴夾差料的路線。香港,可謂劣食地獄。

以前細個,教科書形容香港時,總少不了「美食天堂」四字,但時至今日,是天堂,還是地獄?我們先看看開到成行成市、平民大眾化的餐廳是怎麼樣的。

表面是麻辣燙四川雞煲,實際是下欄爛肉賤價出售,用麻辣遮酸臭味。同樣,甚麼「山小辣」米線、東北烤肉加重香辣,又是同理。還不是傳出湯底有「一滴香」/罌粟嘛,不上癮才怪。

韓國飲食文化入侵,生蟹生牛肉,多蟲多菌。韓式魚生點辣椒醬夾泡菜,失卻鮮味,就算在韓國處理得多好,韓式餐廳在香港天氣濕熱、地窄不通風的環境下亂整出來的垃圾,食客不肚痛才怪。

大 X 活、大 X 樂等,越來越貴,加重調味,尤其豉油同鹽,好像要訓練大家腎功能似的;而且價就不斷加,盤中物就越來越頹,早餐量少又求其。

酒樓,自己有師父整點心的越來越少,點心都是工廠量產,到酒樓拆包裝蒸熱而已,結果每間的點心味道、賣相都越來越似。似不要緊,但預先整好,除了不夠新鮮或加了防腐,自不然特色少、選擇少了。

當然大家會問,香港還有平價米之蓮餐廳吧?還有好選擇呢!可惜米之蓮是死亡之吻,引來業主加租,餐廳難做得長,如要頂住租金加幅,又只好加價。

要數,我可以數到二零四六。租金貴,最低工資令人工上升,於是傳統粵菜、台灣、日本、泰國餐廳不少都敵不過成本太高,加上中國企業來港搶灘,用銀彈趕走本來的良心小店,結果大家在捱飯凍、扒硬、落錯單、態度差食到一肚氣的「安樂茶飯」。

現在店舖越來越流水式,食物越垃圾,以「股東利益」、成本控制為上。食肆工廠化無可避免,但總有個譜吧?

一分錢,得不到一分貨,香港人搵食至上,搵食搵食,搵間好食都咁難?

  • 驛飛颱, 雜談大懶豬, 化作驛飛颱, 本來言無物, 何懼多感慨?